لكل شاب مخنوك من الدنيا

شباب كثير حوليا بشوفهوم وبسمعهم
فى اللى اعرفه وفى قلى معرفوش

بيجمعهم صفات واحده
خيبة الامل
الطمع
الكابة
الانانية
من غير احلام ولا اهداف
بيجرو ورا حاجات ملهاش اى قيمة
الرغبة فى الانتحار.....................
فعلا انا عاوز اقولك كلام حقيقه مش كلام خيال علمى
فى واحد فى الكتاب المقدس مش عارف انت سمعت عنه ولا لا
اسمه سليمان الحكيم
الراجل ده عنده كل حاجة وعمل كل حاجة ممكن تتخيلها
اتجوز اكثر من الف زوجة
كان عنده حكمة مش موجوده عند حد على وجه الارض
كان عنده سلطان ملوش زى
كان ملك
كان عنده فلوس كثير جدا واراضى واملاك ملهاش حدود
مكتوب كدا :
قد عملت كل ما اشتهت نفسى لم امنع عنها شئ

وفى الاخر بيقول
واذا نظرت لكل ما فعلت
اذ لا منفعه منه تحت الشمس والكل قبض الريح
باطل الاباطيل الكل باطل !!!!!!!!!!!!!!!!!!!!
اذاى بعد كل اللى عنده ده يقول انه الكل باطل الاباطيل

الموضوع حقيقى مش كلام فى الهواء

ده واحد وصفلك المنظر بعد معمل كل اللى هو عاوزوه وووصل لكل اللى بيتمناه
وبيقولك خلى بالك انا عملت كل حاجة ممكن انت تعملها والكل باطل

الشباب
بيحاولو يضحكوا على اى حاجة بسيطه بس هما من جوه تعبانين

فاكرين انهم عارفين كل حاجة
بس للاسف هما مش عارفين اى حاجة
بيقولو انهم عاوزين ربنا بس هما الحقيقة مش بيعملو كدا
لان الحياة مسيطرة على دماغهم
وبعد ده كله يرجعوا يقولو احنا تعبانين
طيب ما انتا قدامك طريق الحياة
مكتوب كدا
انا وضعت قدامك طريق الحياة والموت فاختر الحياة لتحيااااا

بجد انا مش هقولك كلام كثير
او كبير
بس فعلا لو حاسس انك تعبان والدنيا سودا حوليك
او حاسس ان الدنيا كلها جميلة حوليك وبرضو مش مبسوط
فى طريق واحد واخير للسعاده
يسوع
تقدر تروحلو وتمضيلوا على ورقه فاضيه وتقولو اكتب فيها اللى انت عاوزه
اكتب انت قصة حياتى
وسعتها هيكتبلك احسن واجمل قصة حياة ممكن تعيشها
بجد لو تعرف هو بيبكى عشانك انت اد ايه كل يوم
لو تعرف ان حزنه شديد جداا عليك
بجد لو شفت حالته وهو بينادى عليك وانت منفضله
لو شفته وهو قلبه بيتقطع عشانك
هو عاوزك تعيش افضل حياة
هو نفسه انك تيجى تسكن معاه فى القصر بتاعه
وهناك هتشوف اللى عمرك مشفته
وهتاكل اللى عمرك مكلته
وهتلبس اللى عمرك ملبسته
انت ابن ملك
ارجع تانى لقصر ابوك
وسيبك من الخيام قلى انت عايش فيها
سيبك من حوار الروشنه والواد اللذيذ
وايه الخنقة بتاعت ربنا
انا اخنق ليه على نفسى والزم نفسى بالصلى وقراية الانجيل والصوم
وحضور القداس والتناول والاعتراف

انت مش مطلوب منك حاجة من ديه خالص
انت المطلوب منك حاجة واحدة انك تحب ربناااا والاثبات على حبك هو انك تمضيلووو ورقة على بياض
ربنا مش هيرغمك على حاجة من الحاجات اللى فوق ديه
انت مجرد ما تحبه
مش هتقدر تعمل غير اللى هو بيحبه
واسال مجرب
ولا تسالش طبيب
ازكرونى فى صلوتكم
اخوكم
مينا