رسالة من يسوع لكل شخص فينا

رسالة من يسوع لكل شخص فينا


عيد ميلادي قرب كل سنة بيعملوله احتفال ياتري السنة دي اليوم ده هيبقي متكرر زي كل سنة ياريت ميكونش زي كل سنة نفسي يتعمل علي طريقتي انا في الوقت ده الناس بتجيب لبعضها هدايا وبيعيدوا علي بعض الزينة بتبقي في كل حتة والناس بيبقي شكلها فرحان لكن دلوقتي الناس الي فهماه قليلة وده شئ محزن
كان في احتفال من النوع ده في بيت من البيوت كانت سفرتهم مليانة بأحسن انواع الأكل واحلاه وكنت سامع الي بيقولوا عليها ترانيم والحان ميلاد وكانت الزينة ماليه البيت وموجودة في كل حتة شوفت هدايا متغلفة احسن تغليف كانوا لابسين أحسن وأشيك لبس عندهم لكن تعرفوا الناس دول عزموا أصحابهم ومعزمونيش وبصراحة مكنتش حاجة جديدة عليا لكن زي متكون بقت عادة انهم ميعزمونيش مش بس في الميلاد لكن كمان في رأس السنة والقيامة وفي حياتهم كلها تقريبا انا مش معاهم وقليل لما يجيبوا سيرتي ولأني مكنش معايا دعوة فضلت أدخل في هدوء من غير صوت ويظهر ان محدش خد باله من وجودي وكنت مستغرب أزاي شكل الاكل مش بيفكرهم بخيري أزاي لما يتقابلوا او يتبسطم ميفتكرونيش نسيم ان ده من غني نعمتي مش واخدين بالهم اني حاميهم وموفر لهم الفرصة دي حتي الحان الميلاد مفكرتهمش بيا وفجأة دق جرس الباب ولما فتح الأب كان عمل توصيل الطلبات وزاد حزني لما طلع الفلوس من جيبه مفكرتهوش بيا انا الي ادتله الشغل معقول ينساني ويتشغل بشغله ومشاغله ومسؤلياته أكتر من صاحب الشغل نفسه مش انا المسؤل أوفر احتياجاته هو وأهل بيته انا فين من جدوله ومواعيده ولمحت الأم وهي بترتب الحاجات وسألت نفسي هل بيتها و مسؤليتها أهم مني مفيش وقت تقعد معايا فيه مش انا بسعدها فس شغلها وانا المسؤل عن استقرار بيتها ولما عدت البنت قدامي من غير متشوفني أفتكرت أزاي طلبتني في أمتحاناتها وقفت معاها لكن نسيتني بقيت السنة كنت فاكرها هتعتبرني صديقها المفضل وهتخدني معاها كل مكان وكل وقت لكن اصحابها وأهتمامتها ومذاكرتها خلتها تنساني كنت مستغرب محسوش ان مكاني فاضي محسوش ناقصهم ايه في اليوم ده وفكل يوم معرفوش ان مصدر مشاكلهم اني مش في المركز قلت يمكن قبل ما يبتدم ياكلم يفتكرم نعمي ليهم ويطلبوني ويشكروني لكن للأسف كان مجرد أكل سمعت كل التهاني الي قالوها لبعض بمناسبة عيد ميلادي ونسيم يهنم صاحب عيد الميلاد محدش افتكرني بكلمة بحبك أو شكرا او كل سنة وانت طيب من العجيب والمحزن اني مبخدش مكاني ومكانتي الصحيحة في حياه الناس ومبقتش مركز حياتهم واولاويتهم والاغرب ان في مناسبة زي رأس السنة ينسم سنة مليانة بنعم وبركاتي ورعاتي وميفكروش في سنة أحلي معايا جاية لكن الي كان صعب عليا اصدقه أنهم ميفكروش فيا وميحتفلوش معايا في عيد ميلادي ويبقي مجرد نزهة انا الي من حبي ليهم مش بمنع عنهم حاجة حتي حياتي علي الصليب قدمتها فدي حياتهم في ايه أغلي من الحياة ممكن يتقدم في مين او ايه يستحق تعيش الحياه معاه او ليه غيري في احتفال عظيم ميخترش علي بال حد عن قريب جاي نفسي تكون معايا وتقبل دعوتي قبل ما يتقفل الباب ويبقي الدخول مستحيل نفسي يكون ميلادي السنة دي في قلبك او ميلاد لعلاقة أفضل واقوي ميلاد لعلاقة حميمة ميلاد لأنطلاقة جديدة


وده رابط الفيلم يا جماعة
وكل سنة وانتم طيبين
[ندعوك للتسجيل في المنتدى أو التعريف بنفسك لمعاينة هذا الرابط]
ودي روابط تانية كمان للفيلم
حملوا من الرابط الي يعجبكم
[ندعوك للتسجيل في المنتدى أو التعريف بنفسك لمعاينة هذا الرابط]

99%
[ندعوك للتسجيل في المنتدى أو التعريف بنفسك لمعاينة هذا الرابط]

99%
[ندعوك للتسجيل في المنتدى أو التعريف بنفسك لمعاينة هذا الرابط]

100%
[ندعوك للتسجيل في المنتدى أو التعريف بنفسك لمعاينة هذا الرابط]